«Отбасын қолдау орталықтарының қызметін жүзеге асыру қағидаларын бекіту туралы» Қазақстан Республикасы Мәдениет және ақпарат министрінің 2024 жылғы 14 маусымдағы № 256-НҚ бұйрығына өзгерістер енгізу туралы
Қазақстан Республикасы Премьер-Министрінің орынбасары - Мәдениет және ақпарат министрінің 2026 жылғы 16 сәуірдегі № 187 бұйрығы
БҰЙЫРАМЫН:
1. «Отбасын қолдау орталықтарының қызметін жүзеге асыру қағидаларын бекіту туралы» Қазақстан Республикасы Мәдениет және ақпарат министрінің 2024 жылғы 14 маусымдағы № 256-НҚ бұйрығына (нормативтік құқықтық актілерді мемлекеттік тіркеуінде 34499 нөмірімен тіркелген) мынадай өзгерістер енгізілсін:
аталған бұйрықпен бекітілген Отбасын қолдау орталықтарының қызметін жүзеге асыру қағидаларында:
1-тармақтың үшінші - алтыншы абзацтары 2026 ж. 12 шілдеден бастап қолданысқа енгізіледі
2-тармақтың 3) тармақшасы мынадай редакцияда жазылсын:
«3) отбасы, әйелдер мен балалардың құқықтарын қорғау мәселелері жөніндегі «111» байланыс орталығы (бұдан әрі - «111» байланыс орталығы) - цифрландыру саласындағы уәкілетті орган айқындаған, отбасы, әйелдер мен балалардың құқықтарын қорғау мәселелері бойынша ақпараттық-анықтамалық, ұйымдастырушылық, психологиялық қызмет функцияларын орындайтын заңды тұлға;»;
12-тармақтың 3) тармақшасы мынадай редакцияда жазылсын:
«3) мемлекеттік органдардың цифрлық жүйелерінен алынған мәліметтер негізінде;»;
15-тармақ мынадай редакцияда жазылсын:
«15. Жеке жұмыс жоспары қажеттіліктерді айқындағаннан кейін бір жылдан аспайтын кезеңге жасалады. Отбасымен бірге жеке жоспар әзірлеуге заңгерлерді, психологтарды, әлеуметтік педагогтарды, медицина қызметкерлерін, әлеуметтік жұмыскерлерді, жергілікті полиция қызметтерінің қызметкерлерін, үкіметтік емес ұйымдардың өкілдерін қоса алғанда, тиісті мамандар тартылады.»;